Muri kamwe mu turere twa Uganda duhindagurika cyane, ababyeyi bahangayitse bafata impinja zinanutse mu cyumba cy’imirire mibi, batinya ko umwana wabo ashobora kuba hafi y’inzara i Karamoja.
Abantu barenga igice cya miliyoni barashonje i Karamoja, hafi 40 ku ijana by’abaturage bo muri kariya gace kititaweho, kamaze igihe kirekire hagati ya Sudani y’Amajyepfo na Kenya.
Umwe mu basore ba Maria Logiel, ufite intege nke cyane ku buryo adashobora kwicara, yihanganira ibikomere by’uruhu biterwa n’inzara ikabije.
Logiel yabwiye ibiro ntaramakuru by’Abafaransa (AFP) mu bitaro by’i Karamoja, akarere k’umupaka mugari w’amajyaruguru hibasiwe n’amapfa, indwara n’imitwe yitwaje intwaro ati: “Nazanye n’aba bombi kubera ko bari bamerewe nabi, bari hafi gupfa.”
Umubyeyi w’imyaka 30 yagize ati: “(Ariko) nasize abandi babiri mu rugo, kandi mfite impungenge ko nagaruka, batazongera kubaho.”
“Umwana ntabwo yari arwaye. yari Inzara yari imwishe gusa. Urabona ko n’uyu ari hafi y’urupfu.” Kubera ko ibiryo bimaze kuba bike, abaturage ba Karamoja batishoboye barwana no kubaho.
Inzara i Karamoja igenda itamenyekana cyane kubera ibibazo bikomeye, birimo inzara iri mu ihembe rya Afurika, ndetse n’intambara yo muri Ukraine, bituma abantu bose batabibona.
“Ku bijyanye n’imirire mibi ikabije muri uyu mwaka twahuye n’ibibi twagize mu myaka 10 ishize. Turi kandi gukurikirana bibazo bijyanye n’imihindagurikire y’ikirere, twabonye kandi kenshi umutekano muke ndetse n’indwara zisanzwe mu bwana, “ibi bikaba byavuzwe na Alex Mokori, inzobere mu mirire ya UNICEF.
Hirya no hino mu karere, abana bagera ku 91,600 n’abagore 9.500 batwite cyangwa bonsa bafite ikibazo cy’imirire mibi ikabije kandi bakeneye kuvurwa nk’uko ubushakashatsi buherutse gukorwa n’inzego zita ku bantu n’abaterankunga babitangaza.
