Ikipe ya Rayon Sports ikunzwe n’ abatari bake mu Rwanda, ikomeje gushakisha abakinnyi kugira ngo ikomeze itsinde ikipe zo muri shampiyona y’ u Rwanda.
Kuri ubu amakuru meza ava muri iyi kipe ni uko iyi kipe ya Gikundiro iri mu biganiro n’ umukinnyi w’ Umunya_Uganda , Bayo Aziz Fahad.
Uyu mukinnyi w’ imyaka 26 y’ amavuko ni rutahizamu uzwi mu gihugu cya Uganda ndetse amaze kwigaragaza mu ikipe y’ Igihugu aho mu mikino yo gushaka itike y’ igikombe cy’ Isi cya 2026 yatsinze igitego kimwe mu mikino ine yakinnye.
Uyu mukinnyi kandi amaze igihe akinira MFK VYSKOV yo mu cyiro cya Kabiri muri Repubulika ya Czech ariko ntabwo yahabwaga umwanya uhagije wo gukina. Ni rutahizamu uzwiho ubuhanga mu gutsinda ibitego no gutanga umusaruro mu makipe akinira . ibi bikaba ari byo Rayon Sports ishaka gukoresha mu gukomeza kwitwara neza muri shampiyona y’ u Rwanda.
Bayo naramuka asinyiye Rayon Sports azaba yiyongereye kuri Fall Ngagne rutahizamu wayifashije mu mikino ibanza y’ uyu mwaka ,Fal Ngagne yagaragaje ubushobozi buhambaye bituma ikipe ya MURERA iyobora urutonde rwa shampiyona y’ u Rwanda n’ amanota 36 izigamye ibitego 20 mbere yo gukina n’ ikipe ya Mukura kuri uyu wa Gatandatu tariki ya 11 Mutarama 2025. Ni umukino uzabera kuri Sitade mpuzamahanga y’ Akarere ka Huye.
Iyi kipe ya Rayon Spots nubwo yatangiye nabi inganya n’ amakipe, ariko kuri ubu iyi kipe ntabwo iratsindwa muri uyu mwaka w’ imikino, nibyo bituma abakunzi b’ iyi kipe bemeza ko igikombe cya shampiyona y’ uyu mwaka ari yo izagitwara, ari na yo mpamvu ikomeje gushaka abakinnyi bazayifasha mu mikino isigaye
