“Abakurikiza kamere y’umubiri bita kuby’umubiri, naho abakurikiza iby’umwuka bakita ku by’umwuka. Umutima wa kamere utera urupfu, ariko umutima w’umwuka uzana ubugingo n’amahoro.” Abaroma 8:5,6.
Muri rusange, bigaragara ko kwikunda no kubura kwifata biba mu mutima w’irari. Ibyo ni ibintu bigira umusanzu mu kugira irari, ariko umuzi wimbitse w’irari akenshi ni ubusa(umutima urimo ubusa). Abantu ku giti cyabo bashobora kutagira irari bagerageza kwiha amahoro mu buzima bwabo.
Irari ry’umubiri risobanura gusa gushaka guhaza ibyifuzo by’umubiri bitewe n’ikibazo k’imyitwarire ariko kwirinda n’ibyiza ku bugingo bwacu. Irari rishobora kuba ubusambanyi, ibiyobyabwenge, inzoga cyangwa ibiryo. Icyo aricyo cyose cyujuje ibyifuzo by’umubiri mu buryo bujyanye n’uruhare rwo kurarikira, ariko umumaro Yesu agira mu buzima bwacu ni ukudutsindishiriza. Igishimishije, ibintu bihinduka ibishuko ku mubiri wacu ntabwo ari bibi muri twe ubwacu. Urugero, igitsina ni cyiza kuri wowe n’undi wese, mubihe bikwiye; ni impano ku mugabo n’umugore mu rwego rwo gushyingirwa. Mu buryo nk’ubwo, ibiyobyabwenge nibyiza kuri wowe n’undi wese niba bivura indwara mu buryo biri gubikoreshwamo kandi ibiryo birakenewe kugira ngo ubeho ubuzima bwiza n’uburyo bwiza cyane bwo gusabana. Ikigaragara ni uko ibintu byiza biba bibi iyo bigoretswe kandi bigorekwa na Satani ukorera mu bantu ku buryo twizera ko aricyo kintu k’ingenzi, cyangwa mu gihe duhangayikishijwe na byo. Iki ni igihe ubuzima bwacu butangiye guhishurwa.
Nshuti, bumwe mu mayeri akomeye umwanzi akoresha ni ukugutera kwibanda ku kintu kimwe mu buzima bwawe kugira ngo ukureho Yesu amaso yawe. Iyo imbaraga zawe zose zashowe mu bindi icyo gihe aba yagushoboye, menya ko ibintu byose amaherezo bizashira. Uba uri mu mwanya muto kandi ukaba ugenda ahantu hanyerera. Nubwo wemera ko bizaguhaza, ni nko gutobora imibu, ugakomeza kugendera mu byifuzo bizatera igikomere gusa gukura. Muby’ukuri inkunga nyayo ni ugushyira ibitekerezo byawe n’imbaraga zose ku bintu byo hejuru hanyuma ugahindukirira Imana yonyine.
Imana niyo izi ibyo uzakenera byose, kandi ndagusezeranije ko izaguha ubuzima bwuzuye kandi bushimishije kuruta irari ry’umubiri ushobora gutekereza. Jya wizera kandi unasenga Imana. “Nshobozwa byose na kristo umpa imbara”. Abafilipi 4:13.
Umwanditsi: TUYIHIMBAZE Horeb
