Umukinyi w’ikipe y’igihugu y’u Rwanda akaba na kapiteni w’ikipe ya Rayon Sports Rwatubyaye Abdul ashobora gutandukana nayo mu kwezi kwa mbere akerekeza muri Tanzania.
Ikipe ya Simba Sports club itozwa n’umutoza Roberto Oliveira Gonçalves de Carmo watoje Rayon Sports muri 2018 niyo ivugwa ko yifuza uyu myugariro.
Rwatubyaye Abdul wamaze kubwira ikipe ya Rayon Sports ko yifuza kuyisohokamo mu kwezi kwa mbere akajya hanze kongera gushaka ikipe ikomeye si ikipe ya simba yonyine avugwamo Kuko avugwa no kuba yasubira Iburayi.
Uyu myugariro ni umwe mu bakinnyi batorohewe n’abafana ba Rayon Sports aho kuri ubu bamushinja gutsindisha ikipe.
