Mu inama y’inteko rusange isanzwe ya Rayon Sports hagaragajwe ko iyi kipe izakoresha 649,990,000 z’amanyarwanda i mu gihe ayo iteganya azava ahantu hizewe ari 575,000,000 ikaba ibura 62,010,000.
Mu inama y’inteko rusange yabaye kuri uyu wa gatandatu tariki ya 30 Nyakanga 2022, yasije ubuyobozi bwa Rayon Sports bugaragaje ko iyi kipe izakoresha amafaranga angana na Miliyoni 649,990,000 z’amanyarwanda ariko bateganya ko Miliyoni 575,000,000 azava ahantu hizewe ikaba ibura 62,010,000.
Abanyamuryango bagaragarijwe ko kugeza ubu ikipe ifite abakinnyi 24 (abanyezamu 3, ba myugariro 8, abakina hagati 7 na ba rutahizamu 7), ni mu gihe isigaje kongeramo abanyamahanga 3 barimo umunyezamu umwe, rutahizamu umwe n’undi usatira anyuze ku mpande.
Bagaragaje ko kongera amasezerano abakinnyi bari bahasanzwe no kugura abandi bizatwara miliyoni 120.
Imishahara y’aba bakinnyi bose mu gihe cy’umwaka ni 263,500,00. Imyitozo no gutegura imikino bizatwara 8,940,00. Ibikoresho bindi bikenewe ni 24,200,000.
Umubitsi wa Rayon Sports, Ndahiro Olivier, yavuze ko ubwo Komite Nyobozi yatorwaga ku wa 24 Ukwakira 2020, yatangiranye 971,000 Frw, ariko hagiye haboneka ubufatanye ku buryo byageze muri Kamena 2021 hakoreshejwe asaga Miliyoni 200 (235.861.764 Frw).
Umwaka wo kuva tariki ya 30/06/2021 kugeza ku ya 30/06/2022 watangiranye 948,811 Frw, hakoreshwa 420,061,306 Frw mu gihe ayasigaye ari 706,439 Frw yimukiye mu mwaka w’imikino wa 2022/2023.
