Nyuma yo kumara igihe atitwara neza mu ikipe ya Sunrise FC umutoza Muhire Hassan yeretswe umuryango aba umutoza wa kabiri wirukanwe kuva shampiyona y’u Rwanda 2023-2024 yatangira.
Mu nama ya Komite Nyobozi ya Sunrise FC yabaye uyu munsi niho hafatiwe icyemezo cy’uko ikipe ya sunrise FC itandukana na Muhire Hassan Nyuma yaho ikipe yagize intangiriro za shampiyona zitari nziza.
Muhire Hassan asezerewe nyuma y’amezi ane yaramaze muri iyi kipe cyane ko yayinjiyemo ku itariki 23 Kamena. Mu mikino 7 yaramaze gutoza yatsinze 2, atsindwamo 5, yinjije ibitego 3 yinjizwa 9. Sunrise FC ubu iri kumwanya wa nyuma kurutonde rwa shampiyona n’amanota 6.
Ku mukino yaherukaga gukina na Rayon Sports yatsinzwe ibitego 3 k’ubusa yatangaje ko Sunrise FC atari ikipe yatega Umutoza Rayon Sports, none kutayitsinda bimwimishije akazi.
