Kapiteni wa Rayon Sports,Muhire Kevin, yatangaje ko gutsindwa n’ ikipe ya Mukura VS nta gikuba cyacitse kuko bakiyoboye urutonde rwa Shampiyona 2024/2025.
Ni umukino ikipe ya Mukura VS yahagaritse umuvuduko wa Rayon Sports yari imaze imikino 14 idatsindwa muri Shampiyona, iyitsinda ibitego 2_1 mu mukino w’ umunsi wa 15 wabereye kuri Sitade Mpuzamahanga ya Huye hasozwa imikino ibanza.
Ubwo uyu mukino wa Rayon Sports na Mukura wari urangiye, Kapiteni wa Rayon Muhire Kevin, yavuze ko gutsindwa n’ ikipe ya Mukura VS nta gikuba cyacitse kuko bakiyoboye urutonde rwa Shampiyona 2024/2025. Ati” Ni umukino wari ugoye twakoze ibishoboka byose,gusa amahirwe ntabwo yari ayacu uyu munsi”.
Kavin yakomeje avuga ko abakinnyi ba Rayon bamaze igihe mu mvune ,gusa ko bagiye gukosora amakosa bakoze kuri uyu mukino w’ uyu munsi batsinzwemo na Mukura VS ibitego 2_1.
Indi nkuru wasoma:Umutoza wa Rayon Sports yanze kuvugana n’ itangazamakuru nyuma yo gutsindwa na Mukura.
Uyu wari umukino wa Mbere Rayon Sports yari itsinzwe muri Shampiyona ,kuko yari imaze gutsinda 11 yanganyije 3 gusa,nubwo yatsinzwe ikaba iyisoje ariyo ya Mbere n’ amanota 36.
