Newcastle United yinjiye mu rugamba rw’amakipe yifuza gusinyisha umwongereza Kalvin Phillips w’ikipe Manchester City, ni nyuma yaho umukinnyi wayo Sandro Tonali ukina hagati mu Kibuga ashobora guhagarikwa gukina igihe kitaramenyekana biturutse kukuba yarishoye muri betting.
Abandi bakinnyi Newcastle United ihanze amaso barimo Scott Mctominay wa Manchester United, Amadou Onana wa Everton na Joao Palhinha wa Fulham.
Ikipe ya Chelsea irashaka kwerekeza muri Arsenal kureba niba bayiha umuzamu Aaron Ramsdale utagifite umwanya wo gukina.
Sky sports German irandika ko Umudage Jamal Musiala w’ikipe ya Bayern Munich nashaka gutwara UEFA champions league na Ballon d’or akabona bidakunda muri Bayern azerekeza muri Manchester City cyangwa Real Madrid.
Ikinyamakuru k’iminota 90 Kirandika ko amakipe yo mu Bwongereza arimo Arsenal, Liverpool, Aston villa na Tottenham zifuza gusinyisha umukinnyi Nico Williams ukina muri Athletic Bilbao.
Ikinyamakuru Diario Sports Kirandika ko umukinnyi Neymar Jr yahoraga yifuza gusubira muri FC Barcelona cyane ko yumvako yakoze amakosa ubwo yayivagamo.
Ikipe ya Al Nassr yamaze guhamagara umukinyi w’ikipe ya Manchester City Kevin Debryne, iyi kipe irashaka kumwereka umushinga ifite ndetse bikunze yanamusinyisha.
