Ikipe y’Igihugu ya Brazil “La Seleção” yashyize hanze urutonde rw’abakinnyi 23 umutoza Dorival Júnior azifashisha muri Copa América uyu mwaka kizabera muri Leta Zunze Ubumwe za Amerika.
Ni urutonde rutagaragaraho rutahizamu wabo w’ibihe byose, Neymar Junior wakunze kurangwa n’ibibazo by’imvune, Carlos Henrique Casemiro wa Manchester United, Gabriel Jesus wa Arsenal na Richarlison wa Tottenham Hotspur.
Abakijwe impamvu yasize inyuma Richarlison kandi ari we mwaraka wakunze gufasha iyi kipe batazira “Samba Boys”, Umutoza Dorival Júnior yavuze ko byatewe n’ibibazo by’imvune.
Ati “Richarlison yakunze kuvunika, na none muri Copa América ntabwo yahamagawe kubera imvune nshyashya yagize.”
Dore urutonde Umutoza Dorival Júnior yashyize hanze kuri uyu wa Gatanu taliki 10 Gicurasi 2024:
Abanyezamu ni batatu barimo Alisson Becker, (Liverpool), Bento (Atletico-PR) na Ederson Moraes (Manchester City)
Ba myugariro ni Danilo (Juventus), Yan Couto (Girona), Guilherme Arana (Atlético-MG), Wendell (Porto), Beraldo (Paris Saint Germain), Éder Militão (Real Madrid), Gabriel Magalhães (Arsenal), Marquinhos (Paris Saint Germain).
Abakina hagati mu kibuga ni Andreas Pereira (Fulham), Bruno Guimarães (Newcastle), Douglas Luiz (Aston Villa), João Gomes (Wolverhampton), na Lucas Paquetá (West Ham).
Abakina basatira izamu ni Endrick (Palmeiras), Evanilson (Porto), Gabriel Martinelli (Arsenal), Raphinha (Barcelona), Rodrigo Goes (Real Madrid), Savinho (Girona), na Vini Junior (Real Madrid).
Iyi kipe iherutse gutsindirwa ku mukino wa nyuma na Argentina muri 2021, kuri iyi nshuro yisanze mu itsinda rimwe na Paraguay y’abarimo Miguel Almirón, Colombia ya Luis Díaz na Moisés Caicedo na Costa Rica ya Keylor Navas.
