Shampiyona y’ikiciro cya mbere mu mupira w’amaguru irakomeza muri iki cyumweru hagati hakinwa imikino y’umunsi wa Gatandatu.
Ikipe ya APR FC kuri uyu wa kabiri irakira Bugesera FC kuri sitade ya Kigali Pele stadium i Saa 18h00. APR FC iheruka gutsinda ikipe ya Musanze FC iraba ishaka itsinzi yayifasha gufata umwanya wa mbere ku rutonde rw’agateganyo rwa shampiyona.
Mu mikino 10 iheruka guhuza Apr FC na Bugesera, APR FC yatsinzemo 9 Bugesera itsindamo 1. Mu mwaka ushize w’imikino Bugesera yatsindiye APR FC mu Bugesera ibitego 2-1. Muri uyu mwaka w’imikino Bugesera FC imaze gukina imikino itanu yatsinzemo 2 itsindwa 3. APR yo imaze gukina imikino 4 yatsinzemo 3 inganya 1.
Kuruhande rw’abatoza ni ubwambere bagiye guhura, Thierry Froger wa APR FC akeneye kwiyongerera ikizere imbere y’Abafana ba APR. Eric Nshimiyimana we asanzwe amenyereye shampiyona Ndetse yanatoje APR FC, ni umugabo ukunda kugora amakipe makuru.
Kurutonde rw’agateganyo rwa shampiyona ikipe ya APR FC iri kumwanya wa 2 n’amanota 10, mu gihe Bugesera FC iri kumwanya wa 6 n’amanota 6.
