Umunyamakuru ukunzwe mu gisata cy’imikino kuri Radio Fine FM, Sam Karenzi yavuze ko ubuyobozi bwa APR FC butumvikana na Muhire Henry kubera ko ari umufana ukomeye wa Rayon Sports.
Kuva ejo ubwo Rayon Sports yikuraga mu Gikombe cy’Amahoro, hari benshi mu bafana bagiye bavuga ko byatewe na APR FC yahamagaye Umunyamabanga wa FERWAFA bamusaba kunaniza Rayon Sports.
Mu kiganiro Urukiko rw’Ubujurire rw’Imikino cyo kuri uyu wa Kane tariki 9 Werurwe 2023, umunyamakuru Sam Karenzi yemeje ko ubuyobozi bwa APR FC butajya buvugana na Muhire Henry bitewe n’uko akunda gushyigikira ikipe ya Rayon Sports cyane.
Nyuma yo kuva mu gikombe cy’Amahoro, perezida wa Rayon Sports Uwayezu Jean Fidele yavuze ko mu gihe FERWAFA yabegera bakaganira noneho Rayon Sports ikabona ko bitababangamiye bazagaruka mu gikombe cy’Amahoro.
