Kuri iki cyumweru tariki ya 8 Ukwakira ikipe ya Rayon Sports yatangarije abakunzi bayo ndetse nabayikurira ko yatandukanye n’umutoza wayo YAMEN ZELFANi.
Uyu mugabo ukomoka mu gihugu cya Tunisia yatangajwe nk’umutoza w’ikipe ya Rayon Sports kw’itariki 10 Nyakanga 2023. Icyo gihe yinjiye muri Rayon sports avuye mu ikipe ya Al Taraba yo muri Iraq.
YAMEN ZELFANi nk’umutoza wa Rayon Sports yayifashije gutwara igikombe kiruta ibindi mu Rwanda Super cup atsinze APR FC ku mukino wa nyuma ibitego 3 -0. Mu mikino yemewe Nyuma ya APR FC , YAMEN ZELFANi yatoje imikino itandatu atsindamo umukino 1, anganya imikino 5.
yatsinze Gasogi united muri shampiyona ibitego 2-1, anganya na Gorilla FC 0-0, anganya n’ikipe y’Amagaju FC 1-1, anganya na Marine FC ibitego 2-2. Mu mikino ny’Afurika kandi yanganyije na Al Hilal Benghazi igitego kimwe ku kindi mu mikino 2 bakinnye.
Ikintu gikomeye cyane gitumye uyu Mugabo yirukanwa Harimo kuba yarananiwe kugeza ikipe ya Rayon Sports mu matsinda y’imikino ny’Afurika. Ikindi ni uko uyu Mugabo yananiwe kumvikana n’abakinnyi be ndetse akaba yarageze aho atukana n’abafana n’ikipe ya Rayon sports.
Rayon sports yatangaje ko yatandukanye n’umutoza wayo kubwumvikane ibinyujije Ku mbuga nkoranyambaga zayo zitandukanye.
