Umukinnyi Mpuzamahanga ukomoka mu gihugu cya Nigeria Raphael Osaluwe Olise na Mbirizi Eric ukomoka mu gihugu cy’u Burundi bakomeje guhanganira umwanya wo kubanza mu kibuga.
Nyuma y’uko Raphael Osaluwe Olise akize imvune yagiriye ku mukino w’umunsi wa 17 banganyijemo na Kiyovu Sports 0-0, nta wundi mukino yari yakina umwanya we ukinwamo na Mbirizi Eric.
Amakuru yizewe KGLNEWS yamenye ni uko Raphael Osaluwe Olise yasabye umutoza Haringingo Francis Christian kuzamubanza mu kibuga ku mukino wa Etincelles FC, ni mu gihe na Mbirizi Eric yifuza kuzabanzamo.
Hari amakuru avugwa ko aba bakinnyi batonganye ku buryo bukomeye bakenda kurwana, gusa bamwe mu bakinnyi barimo Kapiteni Rwatubyaye Abdul yabasabye gushyira hamwe bakirinda guhangana.
