Kuri uyu wa gatanu tariki 13 Ukwakira shampiyona y’ikiciro cya mbere mu mupira w’amaguru mu Rwanda yakomezaga hakinwa umunsi wa 7 wayo.
Ikipe ya APR FC yari yakiriye Mukura Victory sports kuri sitade ya Kigali Pele guhera i Saa 18h00. Ni umukino wari utegerejwe na benshi cyane ko mbere y’uko uba Umutoza wa APR FC Thierry Froger yari yabwiwe ko ntatawutsinda ashobora no kwirukanwa. Kurundi ruhande kandi Mukura Victory Sports nayo yarikeneye kubona amanota 3.
Muri rusange umukino watangiye abatoza ku mpande zombi bakoze impinduka zitandukanye nko kuri APR FC Ndikumana Danny, Niyomugabo Claude na Bindjeme Banga bari batangiye mu Kibuga. Muri Mukura Bari babanje mu kibuga Nsabimana Emmanuel na Ssebaduka Djuma.
Igice cya mbere cy’umukino cyarangiye ari ubusa kubundi,amakipe yombi yakinnye neza, Mukura Victory Sports ukabona ko iri gukina yugarira ugereranyije na APR FC.
Mu gice cya kabiri amakipe yombi nibwo yinjijemo abakinnyi bayo bari basanzwe babanza mu Kibuga kugirango ashake ibitego byari byabuze. Gusa nko mugice cya mbere ibitego byakomeje kubura gusa ukabona ko Mukura iri gukina neza kurusha APR FC.
Iminota 90 isanzwe y’umukino yarangiye amakipe anganya ubusa k’ubusa, impinduka zabaye mu minota 5 yongeweho, Ku munota wa 95′ Victor Mbaoma yaboneye APR FC igitego kimwe rukumbi cyabonetse muri uyu mukino, Mukura Victory Sports yari imaze kwizera inota rimwe itaha amaramasa.
Kugeza uyu munsi urutonde rw’agateganyo rwa shampiyona ruyobowe na APR FC ifite amanota 14 kuri 18 yashobokaga.
Abakinnyi 11 Mukura Victory Sports yabanje mu kibuga
Sebwato Nicolas
Ngirimana Alex
Kayumba Soter
Muvandimwe JMV
Kubwimana Cedric
Aimable Ntarindwa
Ndayogeje Gerard
Ssebaduka Djuma
Iradukunda Elie Tatou
Uwiduhaye Aboubakar
Nsabimana Emmanuel
Abakinnyi 11 APR FC yabanje mu kibuga
Pavelh Ndzila
Ombolenga Fitina
Niyomugabo Claude
Salomon Banga Binjeme
Buregeya Prince
Taddeo Lwanga
Niyibizi Ramadhan
Ruboneka Jean Bosco
Ndikumana Danny
Apam Asongwe Bemol
Victor mbaoma
