Ikipe ya Chelsea yerekeje amaso ku mukinnyi Pablo Gavira Gavi w’ikipe ya FC Barcelona umunye Spain w’imyaka 19 ukina hagati mu Kibuga. Gavi ikipe ya Barcelona biravugwa ko ishobora kumugurisha mu rwego rwo kugabanya ibibazo by’ubukene ifite.
Jordan Sancho umwongereza w’imyaka 23 ukinira Manchester united, kuri ubu amakuru ahari aramwerekeza muri Saudi Arabia nk’intizanyo, gusa amakipe arimo Chelsea nayo arifuza uyu musore.
Ikipe ya Arsenal yagaragaje ko yifuza gusinya umukinyi Aurelien Tchouameni umufaransa ukina hagati mu Kibuga muri Real Madrid. Arsenal irashaka Kuzana uyu musore mu rwego rwo kubaka urukuta hagati mu Kibuga hamwe na Decran Rice.
Ikipe ya Liverpool ikomeje kugaragara ubushake bwo gusinyisha myugariro w’ikipe ya Sporting Lisbon Gonçalo Inacio.
Newcastle United yinjiye mu rugamba rwo gusinyisha umukinnyi w’ikipe ya Inter Milan Federico Dimarco w’imyaka 25. Uyu mukinnyi ukina nka myugariro uca mu mpande kandi arifuzwa na Chelsea na Manchester United.
Ikipe ya Crystal Palace ifite ikizere ko umukinnyi wayo Eberechi Eze azongera amasezerano muri iyi kipe nubwo Manchester City yagaraje ko yifuza uyu musore.
