Kuri iki cyumweru ikipe ya Rayon Sports yazindukiye mu Karere ka Nyanza mu birori byiswe GIKUNDIRO KW’IVUKO, isura ibikorwa bitandukanye byo muri aka karere ikomokamo.
Mu rwego rwo kwegera abafana ndetse no gufasha akarere ka Nyanza mu bukangurambaga, ikipe ya Rayon Sports uyu munsi yerekeje mu Karere ka Nyanza isura ibikorwa bitandukanye biherereye muri aka karere harimo uruganda rukora imyenda ndetse n’inzu Ndangamurage ya Rukari.
Abaturage b’Inyanza bishimanye n’abakinnyi ba Murera ndetse bamwe muri bafata n’amafoto barikumwe.
Usibye kuba Rayon Sports yasuye ibyo bikorwa bitandukanye ifitanye umukino n’ikipe ya El Merreikh yo muri Sudan, uzakubera kuri sitade ya Nyanza ahari butandirwe ubutumwa bwo gushishikariza abaturage kurwanya inda ziterwa abangavu n’ubusambanyi bukorerwa Abana.