Perezida Paul Kagame yavuze ko ibihugu bigize Umuryango wa Commonwealth bigomba gukomeza kwishora mu bikorwa no kumenya icyo byakora kugira ngo habeho uburinganire kugira ngo buri wese mu muryango w’ibihugu 54 yumve ko arimo. Ku wa kabiri, tariki ya 21 Kamena, i Kigali, Kagame yabivuze ubwo hafungurwaga ihuriro ry’ubucuruzi bwa Commonwealth, ryitabiriwe n’intumwa zirenga 1,000.
Ati: “Hamwe na Commonwealth, dusanzwe dufite ibintu byinshi duhuriyeho rwose. Yaba ururimi, yaba sisitemu zitandukanye, sisitemu y’imari, byadushoboza gushora imari, guhahirana twese hamwe. Yavuze ko hari itangiriro ariko byaba byinshi cyangwa bike bihagije, ati: “Tugomba kubikora neza.”
Ati: “Tugomba gukomeza kumenya neza ko iyo tuvuze ibya Commonwealth, tuba dushaka kuvuga gushyira hamwe. Ntabwo aribyo gusa kuba rusange kuri bike mubihugu byinshi 54 bigize commonwealth. Iyi niyo mpamvu navuze, ikomeza kuba akazi dukomeje.
Ati: “Tugomba (guhuza), gushakisha icyo twakora kugira ngo ubwo buringanire bugere ku buryo buri wese muri Commonwealth, umuryango w’amahanga, yumva ko abigizemo uruhare, ntawe usigaye inyuma.” “Ntekereza ko aricyo tugomba kwibandaho. Kugira ngo n’ibihugu bito, bikiri mu nzira y’amajyambere byumve ko bidasigaye inyuma, ko tuzamura abantu bose, tugana ku cyuzuza inshingano za Commonwealth twifuza muri uyu muryango w’amahanga.”
Yaba ubucuruzi, ishoramari, cyangwa ibindi bibazo nk’ubuzima, Perezida Kagame yagize ati: “umuvuduko ibintu bigenda bigomba kwiyongera, ku buryo duha agaciro Commonwealth hamwe n’ibyiyumvo by’abaturage ba Commonwealth.
Perezida Kagame yavuze ko urubyiruko rugomba guhabwa umwanya mu gufata ibyemezo mu nzego zose. Ati: “Tugomba kandi kwishyira hamwe, atari urubyiruko gusa ahubwo twese. Tugomba kumenya neza ko tureba sosiyete nk’ikintu cyuzuye kandi tukemerera abantu batandukanye kugira uruhare rwabo. ”