Alain Mukuralinda, wari Umuvugizi Wungirije wa Guverinoma y’u Rwanda, yitabye Imana mu gitondo cyo ku wa Gatanu tariki ya 4 Mata 2025, azize uburwayi bw’umutima.Yaguye mu bitaro byitiriwe Umwami Faisal.
Alain Mukuralinda, uzwi kandi nka Alain Muku, yari azwi cyane mu by’amategeko, aho yabaye Umushinjacyaha ndetse akanaba Umuvugizi w’Ubushinjacyaha. Azwi no mu buhanzi, aho yanditse indirimbo ‘Tsinda Batsinde’ y’Amavubi, n’izindi zakunzwe.
Alain Mukuralinda yavutse mu 1970. Yatangiye amashuri abanza i Rugunga, ayisumbuye ayakomereza i Rwamagana mu bijyanye n’icungamutungo. Mu 1991 yinjiriye muri Kaminuza y’u Rwanda ariko ntiyayirangije kuko yahise ajya mu Bubiligi kwiga amategeko.
Ubuhanga bwe bwamugize umushinjacyaha ukomeye, ndetse aza no kuba Umuvugizi w’Ubushinjacyaha, aho yaburanye imanza zikomeye cyane, zirimo iz’abakoze ibyaha bya Jenoside yakorewe Abatutsi mu 1994.
Yari umuntu wicisha bugufi, usetsa kandi ukunda gusabana. Urupfu rwe rutunguye benshi, rusiga icyuho mu muryango, mu kazi n’Igihugu muri rusange.
Ruhukira mu mahoro, Alain Muku.