Ese koko Byiringiro Lague byari bikwiye ko yihenura kuri Rayon Sports kandi ariyo yamumuritse?
Byiringiro Lague yongeye kwishongora kuri Rayon Sports avuga ko uyu munsi aza kuyitamika igitego!
Umukinnyi wabiciye bigacika mu Rwanda, Haruna Niyonzima yavuze urwo akunda ikipe ya Rayon Sports.
Haruna Niyonzima ukina mu kibuga hagati ariko ataha izamu uherutse gusinyira ikipe ya AS Kigali mbere yo kuva mu ikipe ya Rayon Sports yari yabanje gusinyira ,yavuze ko akunda iyi kipe ya Murera ngo kuko niyo yamufashije kubaka izina ubu afite ndetse yavuze ko nta yindi kipe akunda atari gikundiro.
Ibi uyu mukinnyi yabitangaje mu kiganiro yagiranye na Radiotv10 kuri uyu wa Kane tariki ya 30 Mutarama 2025,avuga ko ubwo ikipe ya Rayon Sports yamwegeraga ishaka ko ayikinira yumvise yishimye cyane kuko yari agarutse mu rugo. Uyu mukinnyi yagize ati” Mvuye i Gisenyi naje mpitira muri Rayon Sports, ni ikipe nkunda, ni ikipe yatumye abantu bamenya ndetse ituma nerekana ubushobozi bwanjye rero ntabwo nayisuzugura. Ubwo Rayon Sports yanyegeraga ishaka ko nyikinira nahise numva mbishatse ndishima numva ko ngarutse mu rugo.”
Uyu mukinnyi yavuze kandi ko ubwo yari amaze kugaruka muri iyi kipe ya Murera yaje kuyisohokamo mu buryo bwatunguye benshi kandi yari yafashwe neza ubwo iyi kipe yakoraga ikirori gifungura umwaka cyizwi nka Rayon Day cyangwa umunsi w’ igikundiro, avuga ko yafashwe nabi biramubabaza bituma asaba gusesa amasezerano yari afitanye n’ iyi kipe. Ati ” Uko bamfashe ntabwo byigeze binshimisha, bituma numva gutanga umusaruro mwiza byakwanga. Nararebye mbona aho kugirango ejo cyangwa ejo bundi nzagirane ibibazo n’aba Rayon mbona icyiza twasesa amasezerano narateza ikibazo.”
Haruna Niyonzima kuri ubu yasinyiye ikipe AS Kigali amasezerano y’ amezi atandatu ariko hashyirwamo ko niyitwara neza azongerwa,nyuma yo gusinya uyu mukinnyi yakinnye umukino we wa Mbere ubwo AS Kigali yatsindwaga na APR FC ibitego 2_0 , mu mukino w’ Igikombe cy’ Intwari.
Uyu mukinnyi yakiniye amakipe atandukanye hano mu Rwanda arimo ikipe ya Rayon Sports,APR FC ,Etincelles FC ndetse na AS Kigali.
Sibyo gusa kuko no mu gihugu cya Tanzania yakiniye amakipe arimo SIMBA SC ,YANGA AFRICANS ,no muri Libya akinira ikipe yitwa Al Ahly Tripoli.
