Gafotozi wafotoye Umukuru w’Igihugu wa Burkina Faso, Perezida Capt. Ibrahim Traoré aconga ruhago mu mukino wari ugamije gufasha, nyuma akaza kumusinyira kuri Caméra ye, arashima bikomeye uyu muyobozi avuga ko kiriya ari igikorwa kiboneka rimwe mu buzima.
Ni nyuma y’umukino wahuje Abakinyi ikipe y’abagize Ingoro y’Umukuru w’Igihugu yari iyobowe na Perezida Capt. Ibrahim Traoré wa Burkina Faso hamwe n’abakinnyi bakinira Ikipe y’Igihugu ya Burkina Faso ndetse n’abakanyujijeho muri iyi kipe.
Muri uyu mukino, Ikipe yarimo Perezida Capt. Ibrahim Traoré yatsinze ibitego 3-2. Muri ibi, Perezida Capt. Ibrahim Traoré yatsinzemo ibitego bibiri [2] muri bitatu batsinze nyuma y’uko Oussoufo Eugène Yigo aza ashimangira intsinzi nk’uko bitangazwa n’Ibiro bya Perezida wa Burikina Faso. Ni umusaruro watumye atorwa nk’umukinnyi mwiza waranze uyu mukino.
Nyuma y’uyu mukino watangarijwe ibyawuvuyemo kuri iki Cyumweru taliki 7 Nyakanga 2024, kuri uyu wa Mbere ni bwo uwafotoye Perezida Capt. Ibrahim Traoré atera umupira yasangije amafoto Umukuru w’Igihugu amusinyira kuri Caméra ye; igikorwa cyamushimishije cyane.
Ni na ho kandi uyu Mukuru w’Igihugu yagaragarije ko guhura na Perezida ari ibintu bidasanzwe, dore ko na nyuma y’umukino Perezida Capt. Ibrahim Traoré yegeranyije abari aho akabagira inzama zirimo n’izo kurwanya icyagirira igihugu nabi, abasaba kunga ubumwe.
