Niba uwo mukundana atangiye kubivamo gahoro gahoro ufite akazi ko kumugarura, niba mumeranye neza nanone ukeneye kubyongera. Muri iyi nkuru turagufasha kumenya uko wabigenza akongera kugukunda nka mbere.
1.Mutungure:Abantu bose bakunda impano. Uwo muntu mukundana rero, nawe muhe impano umutunguye. Mutunguze ibikorwa atari yiteze uzaba ukoze ibyo atatekerezaga, bimuzamurire amarangamutima yo kugukunda.
2.Mwandikire utwandiko tw’urukundo rudafite impamvu:Andika, fata ikaramu n’urupapuro umwandikire utuntu atari yiteze ko yaza kubona. Niba akuri kure, koresha telefoni yawe, ubundi umwandikire ubutumwa bwiza, buramukora ku mutima.
3.Muhe impano kubera impamvu:Niba hari impamvu ihari ishobora gutuma umuha impano, ba uwa mbere uyimuhe kandi iramushimisha.
4.Mubwire ijambo ryiza:Fata isegonda rimwe gusa, ubundi umubwire ijambo rimwe kandi rikomeye, riramufasha kukumva neza kandi arusheho kugukunda.
5.Ujye umushimira cyane:Burya gushimira umuntu ni iby’agaciro cyane, bimuzamurira icyizere n’amarangamutima ye. Rero fata umwanya wawe, umushimire byimazeyo kuri buri kintu yagukoreye.
