Umukinnyi ukina asatira aca ku ruhande mu ikipe ya Fc Barcelona Ferran Torres Garcia yagiriye imvune mu kibuga bituma akina iminota itanu gusa.
Ni mu mukino w’umunsi wa 22 shampiyona ya Espagne,iyi kipe yahuragamo na Ossasuna kuri Uyu wa Gatatu tariki ya 31 Mutarama 2024.
Ubwo umukino wari ugeze ku munota wa gatanu.
Ferran Torres ubwo yagiraga imvune y’akaguru maze agasimburwa ibyatumye asohoka mu kibuga arira yifashe mu maso.
Kugeza ubu iyi kipe nta wundi mukinnyi ifite uca ku ruhande uretse umwana w’imyaka 16 Lamin Yamal kuko na Raphihna wagenderwagaho yavunitse.Ferran niwe mukinnyi rukumbi wari utaravunika mu ikipe ya Fc Barcelona muri Uyu mwaka w’imikino wa 2023-2024.
Ikipe ya Fc Barcena mu mikino irindwi iheruka guhuramo na Ossasuna ntiratsindwa na rimwe kuko yatinze imikino itandatu inganya umukino umwe.
Kugeza ubu ikipe ya Barcelona iri ku mwanya wa Gatatu muri shampiyona,umutoza wayo Xavi akaba amaze iminsi atangaje ko ubwo shampiona izaba irangiye atazakomeza kuyitoza.
Iyi kipe kuba ifite imvune nyinshi bishobora kuba ari byo bikomeza kuyikora ho kuko iherutse no gusezererwa muri Copa Deley.
Abakinnyi b’iyi kipe y’i Catalonya bafite imvune harimo Joao Felix,umunyezamu Andre Marc Ter Stegen,Raphihna,Gavi, Marcos Alonso, Alejandro Balde,Sergio Roberto ndetse na Inigo Martinez Kandi bose bagenderwagaho.
Umukino warangiye ikipe ya Fc Barcelona itsinze igitego 1-0 cyatsinzwe na Vitor Roque wahise utorwa nk’umukinnyi w’umukino.
Ivan Damascene Iradukunda kglnews.com
