Isoko ry’igura n’igurishwa ry’abakinnyi ku mugabane w’iburayi ryafunze ku itariki ya 1 Nzeri, uru ni urutonde rugaragaza amafaranga amakipe yashoye ndetse n’abakinnyi bayahenze.
1) Chelsea – £397.2m (€464.1m)
Chelsea niyo kipe yashoye amafaranga menshi muri iyi meshyi. Umukinnyi uhenze yaguze ni Moises Caicedo waguzwe Miliyoni £100m avuye muri Brighton.
2) Paris Saint-Germain – £299.2m (€349.5m)
Paris saint-Germain niyo kipe ya kabiri yashoye amafaranga menshi muri iyi meshyi. Umukinnyi wayihenze kurusha abandi ni Randal Kolo Muani waguzwe Miliyoni £81.3m avuye muri Eintracht Frankfurt.
3) Tottenham – £212.8m (€248.6m)
ikipe ya gatatu yashoye amafaranga menshi kw’isoko ryo muri iyi meshyi ni Tottenham Hotspur. Umukinnyi wayihenze ni Rutahizamu Brennan Johnson bakuye muri Nottingham Forest kuri Miliyoni £47.5m.
4) Manchester City – £206.32m (€241.1m) Manchester city niyo kipe ya kane yashoye amafaranga menshi muri iyi meshyi. umukinnyi wayihenze ni myugariro Josco Gvardiol waguzwe Miliyoni £77.1m avuye muri RB Leipzig.
5) Arsenal – £201.2m (€234.9m) Arsenal niyo kipe ya gatanu yashoye amafaranga menshi muri iyi meshyi. umukinnyi wayihenze ni Declan Rice waguzwe Miliyoni £100m ziziyongeraho eshanu, yavuye muri West Ham united.
6) Manchester United – £176.9m (€206.7m). Manchester United niyo kipe ya Gatandatu yashoye menshi kw’isoko. umukinyi wayihenze ni Rasmus Hojlund yaguze £64m ziziyongeraho £8M, yavuye muri Atalanta.
7) Liverpool – £147.2m (€172m) Ikipe ya Liverpool niyo yaje Ku mwanya wa karindwi mu makipe yashoye amafaranga menshi kw’isoko ryo muri iyi meshyi, umukinyi Dominik Szoboszlai niwe wayihenze yamuguze miliyoni £60m avuye muri RB Leipzig.
8) Bayern Munich – £132.9m (€155m) Bayern Munich niyo kipe ya munani, umukinyi wayihenze ni Rutahizamu Harry Kane waguzwe Miliyoni £86m avuye muri Tottenham Hotspur.
9) Newcastle – £131.8m (€153.2m) Newcastle united iza ku mwanya wa Kenda mu makipe yashoye amafaranga menshi muri iyi meshyi, umukinyi yaguze amafaranga menshi ni Sandro Tonali £52m yavuye muri AC Milan.
10) RB Leipzig – £130.62m (€152.5m) ikipe ya Leipzig niyo kipe ya 10 yashoye amafaranga menshi kw’isoko ryo muri iyi meshyi, umukinyi Lois Openda niwe wayihenze yamuguze £36.9m imukuye muri Lens.
Mu makipe 10 yatanze amafaranga menshi kw’isoko muri iyi meshyi 7 akomoka muri shampiyona y’ubwongereza, 2 nayo mu budage naho imwe niyo mu Bufaransa .
