Umwana w’umuhungu na nyina bagirana umubano udasanzwe ndetse n’urukundo rurenze ku buryo bamwe batabasha gusobanukirwa. Umubano ukomeye (strong bonds) akenshi abantu bibwira ko uba hagati y’abantu bafitanye amasano gusa, bakizera ko aribo badashobora guhemukirana.
Urukundo ruba hagati y’umwana w’umuhungu na Nyina, bivugwa ko rwongera umutekano ndetse n’ibyiyumvo by’umwana. Maternal bond ni urukundo rutajega ruba hagati y’umwana na nyina akaba ari urukundo rw’umwimerere (unconditional love) rutuma umubyeyi akunda umwana we cyane, akamubabarira ikosa undi wese atamubabarira, akemera ku mutega amatwi igihe abandi bose bamutereranye.
Umwana w’umuhungu agira umusemburo w’urukundo (oxytocin) uri ku kigero cyo hejuru ugereranije n’umwana w’umukobwa. Uyu musemburo witwa “love hormone” mu ndimi z’amahanga ukorerwa mu bwonko ugenda uza uko umwana yonswa na nyina, hamwe n’igice k’igituza cya nyina muri rusange. Uyu musemburo ukaba ugira uruhare mu gutemba kw’amaraso mu gice cy’amabere.
Ubushakashatsi buherutse gukorwa bwerekanye ko ijwi ry’umubyeyi kuva ku mubyeyi kugeza ku mwana ritera irekurwa rya oxytocine kandi rikagabanya ibibazo by’imyitwarire ku bantu (Seltzer et al., 2010). Ibisubizo byerekana ko ibimenyetso mbonezamubano biva kuri nyina bitera sisitemu ya oxytocine ku mpinja. Kubera ko oxytocine ifitanye isano no kwizerana, kubyutsa imibonano mpuzabitsina no kubaka umubano, rimwe na rimwe byitwa “imisemburo y’urukundo”. Urwego rwa Oxytocine na rwo rwiyongera mugihe uhobera umuntu n’igihe cyo kurangiza (orgasm). Oxytocine ni imisemburo ya ngombwa yo kubyara no konsa
Ntibigombera kubana n’abantu mufitanye isano kugira ngo ugiraane ubumwe bukomeye na bo. Umubano ukomeye uba hagati y’inshuti, hagati y’abashakanye, hagati y’abarimu n’abanyeshuri mu gihe basabana kandi rwose bibaho hagati y’umuntu wese ukora nk’umubyeyi ku bandi. Ushobora kwita undi muntu Mama cyangwa Papa. Ushobora kubyita umuhungu cyangwa umukobwa mugihe cyose umubano wanyu umeze nk’aho ari umuhungu wawe cyangwa umukobwa wawe. Ushobora guhamagara umuntu wese mwishywa wawe, nyogokuru cyangwa sogokuru, nyokorume cyangwa nyogosenge, cyangwa mubyara wawe nk’izina cyangwa ijambo ryo gukundwa umaze kubyizera. Abantu benshi bafata ubwoko bw’amazina nk’ayahabwa icyubahiro ubaha. Kuberako bivuze ko ubyumva nk’aho ari nk’umuryango kuri wowe.
Nyamara n’ubwo bimeze bityo hari n’ababyeyi binanira kwita ku bana, ugasanga abana babo babaho ubuzima bubavuna ndetse bubatera ibikomere. Umubano wose ni ubwoko bw’amarangamutima n’ibyiyumvo ugirana n’undi muntu. Icyo wumva mu mutima wawe n’icyo wumva mu mitekerereze yawe ku muntu mubana n’ubwo mudafitanye isano cyangwa mudahuje DNA (amaraso) mu buryo ubwo aribwo bwose.
Ubucuti bukomeye bushyirwaho hagati y’abantu mu gihe abantu bagize uruhare mu bucuti bakagira ubugwaneza, impuhwe, gusobanukirwa, gushyigikira, kwihangana, kandi ni bo bantu bakomeye bishimira guhana inkunga no gufashanya, kwiyizera mu gihe bumva bashidikanya cyangwa bafite ubwoba. Nibyo umubyeyi mwiza agomba gukorera abana be bose. Nibyo inshuti nziza igomba gukora kugirango ifashe inshuti zayo.
Igihe cyose ufite abantu muri kumwe, wibande cyane ku buryo ushobora kugirana umubano ukomeye n’abandi kandi ntugahangayikishwe n’umuntu uwo ari we cyangwa ngo ni uko udafitanye isano na we. Kuberako hari igihe ubona abantu beza mu buzima bwawe mu bisanzwe ari n’abantu mudafitanye isano mu buryo ubwo aribwo bwose.
