Rutahizamu wa Rayon Sports umwaka ushize w’imikino Imanizabayo Florence yamaze gusinyira ikipe yo mu gihugu cya Uganda ya Kampala Queens FC.
Nyuma yo kugira umwaka udasanzwe w’imikino mu kiciro cya kabiri muri Rayon sports y’Abagore, Imanizabayo Florence yabengutswe n’ikipe ya Kampala Queens FC yo muri Uganda, kuri ubu yamaze no kwerekezamo.
Uyu rutahizamu umwaka ushize w’imikino 2023, mu mikino 26 yakinnye yatsinze ibitego 60, harimo inshuro 10 yatsinze ibitego 3 mu mukino umwe.
Yafashije Rayon sports gutwara igikombe cya shampiyona y’Abagore mu kiciro cya kabiri, aho yatsinze ibitego 44. Ndetse no kugera ku mukino wa nyuma w’igikombe cy’Amahoro aho mu gikombe cy’Amahoro yatsinze ibitego 14.
Umwaka ushize w’imikino 2022-2023 iyi kipe yegukanye igikombe cya shampiyona y’Abagore muri Uganda, ndetse izanakina amarushanwa yo gushaka tike ya champions league y’Africa mu bagore muri CECAFA.
