kuri uyu wa Gatandatu tariki 21 Ukwakira shampiyona y’u Rwanda mu bagabo irakomeza hakinwa imikino y’umunsi wa 8 wayo, i Saa 18h00, Rayon Sports iraza kwakirira Sunrise FC.
Ni umukino uraza kubera kuri Kigali Pele stadium. Murera iraza gukina uyu mukino idafite abakinnyi bayo bakomeye barimo Joachim Ojera, Aimable Nsabimana na Youssef Rahrb. Gusa mu bakinnyi baribuze kugaragara uyu munsi harimo Muhire Kevin na Manou.
Sunrise FC imaze igihe ititwara neza ibyo byatumye umutoza wayo Muhire Hassan abwirwa ko ntatitwara neza kuri uyu mukino ashobora gutandukana nayo.
Aya makipe amaze gukina imikino 14, Rayon Sports yatsinze imikino 9, Sunrise itsinda 2 banganya imikino 3. By’umwihariko mu mikino itanu iheruka aya makipe ntaranganya Rayon sports yatsinzemo 3 Sunrise itsinda 2.
Mu mikino itandatu Rayon Sports imaze gukina yatsinzemo ibiri inganya 3 itsindwa 1. Kuruhande rwa Sunrise FC mu mikino itandatu imaze gukina yatsinzemo 2 itsindwa 4. Rayon Sports iri kumwanya wa 6 n’amanota 9 naho Sunrise FC ifite amanota 6 ku mwanya wa 14.
Rayon sports niyo ihabwa amahirwe ariko biturutse kukuba aya makipe atinjiza ibitego byinshi, uyu mukino ushobora kurangira amakipe anganyije.
