Rutahizamu w’Umufaransa, Kylian Mbappé Lottin aza ku mwanya wa gatatu ku rutonde rw’abakinnyi bazaba bahembwa agatubutse inyuma y’abakinnyi babiri ba FC Barcelone ku rutonde rw’abakinnyi 10 rwiganjeho abakinnyi ba Real Madrid.
Kylian ni umwe mu bakinnyi b’izina rinini bazaba bari gukina muri Shampiyona y’Icyiciro cya Mbere muri Espagne, La Liga muri uyu mwaka, yo kwerekeza by’amateka mu ikipe ya Real Madrid muri uku kwezi kwa Nyakanga [7].
Urutonde rw’abakinnyi bahembwa agatubutse muri Espagne ruriho abakinnyi batandatu [6] ba Real Madrid, batatu [3] ba FC Barcelone ndetse n’umwe wa Athletico de Madrid, aho muri aba harimo abakinnyi babiri bakina mu izamu, nk’uko Ikinyamakuru «The Sun» kibivuga.
Ruyobowe n’Umuholandi ukinira FC Barcelone, Frankie de Jong uhembwa miliyoni 31.6 z’Amapawundi buri mwaka, agakurikirwa na mugenzi we bakinana muri FC Barcelone, Umunya-Pologne, Robert Lewandowski uhembwa miliyoni 28.2, mu gihe Kylian Mabappé aza ari uwa gatatu na miliyoni 26.3 z’Amapawundi buri mwaka.
Urutonde rw’Abakinnyi 10 bahembwa agatubutse muri Espagne mu mwaka wa 2024/2025
10. Thibaut Courtois [£12.2m]
Umunyezamu w’Ikipe y’Igihigu y’u Bubiligi ukinira Real Madrid ahembwa umushahara wa miliyoni 12.2 z’Amapawundi buri mwaka.
9. Federico Valverde [£12.6m]
Umunya-Uruguay, Santíago Federico Valverde DiPetta ukinira Real Madrid ahembwa umushahara wa miliyoni 12.6 z’Amapawundi buri mwaka.
8. Ilkay Gundogan [£14m]
Kapiteni w’Ikipe y’Igihigu y’u Budage ukinira FC Barcelone ahembwa umushahara wa miliyoni 14 z’Amapawundi buri mwaka.
7. Jude Bellingham [£15.8m]
Umwongereza, Jude Bellingham Victor Williams ukinira Real Madrid ahembwa umushahara wa miliyoni 15.8 z’Amapawundi buri mwaka.
6. Vinicius Junior [£17.5m]
Umunya-Brésil, Vinicius Junior ukinira Real Madrid na we ahembwa umushahara wa miliyoni 17.5 z’Amapawundi buri mwaka.
5. Jan Oblak [£17.5m]
Umunyezamu akaba na Kapiteni w’Ikipe y’Igihigu ya Slovenie, Jan Oblak ukinira Athletico de Madrid ahembwa umushahara wa miliyoni 17.5 z’Amapawundi buri mwaka.
4. David Alaba [£19m]
Kapiteni w’Ikipe y’Igihugu ya Autriche, David Alaba ukinira Real Madrid ahembwa umushahara wa miliyoni 19 z’Amapawundi buri mwaka.
3. Kylian Mbappe [£26.3m]
Kapiteni w’Ikipe y’Igihugu y’u Bufaransa, Kylian Mabappé Lottin ahembwa umushahara wa miliyoni 26.3 z’Amapawundi buri mwaka.
2. Robert Lewandowski [28.2m]
Kapiteni w’Ikipe y’Igihigu ya Pologne ukinira ikipe ya FC Barcelone ahembwa umushahara wa miliyoni 28.2 z’Amapawundi buri mwaka.
1. Frenkie de Jong [£31.6m]
Umuholandi ukinira FC Barcelone ahembwa umushahara wa miliyoni 31.6 z’Amapawundi buri mwaka.
