Shampiyona y’Icyiciro cya Mbere mu Bwongereza, English Premier League yashyize hanze ingengabihe y’uko amakipe azahira mu mwaka w’imikino mushya wa 2024/25, izatangira ku wa 16 Kanama ubwo Manchester United izaba yakiriye Fulham.
Mu mikino ikomeye izafungura iyobowe n’uwo Manchester City yatwaye igikombe giheruka izatangira yakirwamo na Chelsea kuri Stamford Bridge taliki ya 18 Kanama mu gihe Arsenal yabaye iya kabiri, izakira Wolves tariki ya 17 Kanama.
Umwaka w’imikino mushya muri Premier League uzarangira ku wa 25 Gicurasi 2025.
Imikino izatangira ku wa Gatanu taliki 16 Kanama 2024 aho Manchester United kuri Stade Old Trafford izakira ikipe ya Fulham.
Imikino izakomeza bukeye bwaho kuwa Gatandatu no ku Cyumweru aho imikino izaba Arsenal yakira Wolverhampton Wanderers, Ipswich Town yakire Liverpool, Leicester na Tottenha, West Ham na Aston Villa, Everton na Brighton, Newcastle na Southampton, Chelsea na Manchester City, Nottingham na Bournemouth hanyuma Brentford yakire Crystal Palace.
