Kuri uyu wa gatanu kuri sitade ya Kigali Pele i saa 18h00, ikipe ya Rayon Sports na kiyovu Sports zirakina umukino wa nyuma mu irushanwa B&B Burudani Mix Festival Ill, ryateguwe na B&B sports Agency.
Mu mikino 10 iheruka kubahuza kiyovu Sports yatsinze 7, Rayon Sports itsinda 2 banganya 3. Kuva mu mpera za 2019 Rayon Sports ntiratsinda kiyovu mu mikino 6 kiyovu yatsinze 4 banganya 2. Rayon sports iheruka gutsinda Kiyovu Sports mu mwaka wa 2019 Ku itariki ya 1 mu kwezi kwa ukuboza.
Abatoza ku mpande zombi ni abanyamahanga nibwo bwa mbere bagiye guhura, Amakipe yombi yasinyishije abakinnyi benshi bashya gusa Abakomeye berekeje mu makipe y’Ibihugu.
Ikipe ya Rayon Sports yageze ku mukino wa nyuma isezereye As Kigali Kuri Penaliti 4-3, nyuma yaho iminota 90 isanzwe y’umukino yari yarangiye amakipe yombi anganya ibitego 2-2.
Kiyovu Sports yo yageze ku mukino wa nyuma isezereye Étoiles de l’Est iyitsinze penaliti 4-3, nyuma yaho umukino wari warangiye ari igitego 1-1. Imikino ibanza yabaye ku itariki ya 5 Nzeri mu Karere ka Ngoma
Uretse ikipe ya APR FC ifite ibikombe byinshi bya shampiyona (21) mu Rwanda, hakurikiraho Rayon Sports (9) na Kiyovu (7). Aya makipe kandi ahurira ku kuba ari amwe mu makipe amaze ivihe mu mupira w’u Rwanda, Kiyovu Sports yashinzwe mu mwaka 19964 naho Rayon sports yashinzwe 1965.
Ikindi gikomeza uyu mukino n’uko kuva Perezida wa Rayon Sports yayibera umuyobozi ataraysinda Kiyovu Ninako kandi Juvenal kuva yakwinjira muri Kiyovu ataratsindwa na Rayon sports.
Umwaka ushize ikipe ya Kiyovu Sports yatwaye Rayon Sports igikombe cya Made in Rwanda iyitsinze ibitego2-1.
