Ikipe ya Sunrise FC ikina shampiyona y’icyiciro cya mbere mu Rwanda,y’i Nyagatare ishobora kumanuka mu cya kabiri idafite umutoza mukuru.
Kuri uyu wa Mbere ni bwo iyi kipe ibinyujije ku mbuga nkoranyambaga zayo yatangaje ko Jackson Mayanja usanzwe ari umutoza wayo mukuru yagiye iwabo muri Uganda kubera impamvu z’umuryango, kuri ubu ikipe ikaba isigaranwe n’abatoza bungirije.
N’ubwo iyi kipe yavuze gutya ariko biracyekwa ko uyu mutoza ashobora kuba yirukanywe bitewe n’umusaruro nkene.
Iyi kipe y’i Nyagatare iheruka gutsinda taliki 14 z’ukwezi kwa mbere itsinda Police FC ibitego 2-1.
Mu mikino 11 iheruka yatsinzwemo imikino 8 inganyamo imikino 3 gusa.
Kuri ubu,Ku rutonde rwa shampiyona iyi kipe iri ku mwanya wa 14 aho irusha Bugesera FC ya 15 na Etoile de l’Est ya 16 inota rimwe gusa.
Tariki 1 Ugushyingo 2023
Sunrise Fc nibwo yazanye umutoza Jackson Mayanja nyuma yo gutandukana n’uwari umutoza wayo Muhire Hassan wari umaze nawe kugenda ayihirika buhoro buhoro,gusa aho Mayanja yaziye yatangiye kuyigarura mu buryo abifashijwemo n’abakinnyi b’iwabo muri Uganda.
Jackson Mayanja ushobora kuba yirukanywe habura imikino 3 ngo shampiyona irangire, aheruka kongera amasezerano y’imyaka 2 nyuma yuko yari yatanze ibimenyetso ko ashobora gufasha Sunrise FC kwitwara neza ariko muri iyi minsi bikaba bitari gukunda,ibyo abakunzi b’iyi kipe bamushinje kukuba hari abakinnyi atagikoresha ndetse yewe abakinnyi bamwe na bamwe bakuze bakaba baranze gukina.
Mu mikino sunrise Fc isigaje,harimo uwo ku Cyumweru Tariki ya 28 Mata 2024,izakiramo Gorilla Fc,Tariki 4 Gicurasi 2024 bakirwe n’Amagaju Fc basoze kuwa 11 Gicurasi 2024 bakira ikipe ya Marine FC.
