Ikipe ya Rayon Sports itsinze kiyovu Sports ibitego 3-0 mu mukino wa nyuma w’irushanwa ryateguwe na B&B sports Agency.
Uyu munsi kuri sitade ya Kigali Pele ku isaha Yi saa 18h00, hatangiye umukino wa nyuma w’irushanwa B&B Burudani Mix Festival Ill, wahuje ikipe ya Rayon sports yari yakiriwe na kiyovu Sports.
Uyu mukino mbere y’uko uba abakunzi ba makipe yombi bari banje kwivuga imyato buri ruhande rwumva ko arirwo ruri butware igikombe. Umukino watangiye amakipe yombi yigana gusa bidatinze ku munota wa 18 w’igice cya mbere Umunye Congo Héritier Luvumbu Nzinga yaboneye Rayon Sports igitego kuri penaliti, igice cya mbere kirangira gutyo.
Mu gice cya kabiri Rayon Sports yaje yazamuye urwego rw’imikinire yinjizamo ibitego bibiri, ku munota wa 73 Luvumbu yabonye igitego cya 2 cya Rayon Sports, ninako ku munota wa 85 rutahizamu w’Umugande Charles Bbale yinjije igitego cya 3 cya Murera.
Umukino warangiye ikipe ya Kiyovu Sports itarebye mu izamu rya Rayon Sports. Hari hashize imikino 8 ikipe ya Rayon Sports itazi uko gutsinda Kiyovu Sports bimera, dore ko kuva ku itariki ya 1 Ukoboza 2019 aribwo yabiherukaga.
Ubaye umukino wa mbere Perezida Jean Fidele Uwayezu atsinze ari Umuyobozi wa Gikundiro gusa kurundi ruhande ninawo mukino wa mbere Mvukiyehe Juvenal atsinzwe na Rayon Sports kuva yayinjiramo nk’umuyobozi.
Rayon sports igereye abakeba mu kebo bari bayigereyemo, cyane ko umwaka ushize w’imikino ikipe ya Kiyovu Sports yatsinze Rayon Sports ibitego 2-1 ku mukino wa nyuma wa Made in Rwanda iyitwara igikombe.
Umutoza YAMEN ZELFANi wa Rayon Sports akomeje kwerekana ko amakipe bahangana azamwumva, atsinze kiyovu nyuma yo kwandagaza APR FC ku tsinzi y’ibitego 3-0 ku mukino wa nyuma wa super cup.
Kiyovu Sports ibintu bikomeje kwanga itsinzwe ibitego umunani mu mikino 3, mu gihe yo yinjije igitego 1 gusa.
Rayon Sports yatwaye ibikombe ihabwa na miliyoni 3FRw. Uyu mukino wabanjirijwe nuwa As Kigali yatsinzwe na Étoiles de l’Est igitego kimwe k’ubusa mu mukino w’umwanya wa 3.
umutoza YAMEN ZELFANi yari yabanje mu Kibuga abakinnyi bakurikira
Umutoza wa Kiyovu Sports Petros Koukouras yabanje mu Kibuga abakinnyibakurikira.
