Ikipe ya Pyramids FC yo mu gihugu cya Misiri yamaze guhaguruka ije i Kigali gukina na APR umukino ubanza wijonjora rya kabiri muri CAF champions league.
Pyramids FC ihagurukanye abakinnyi 23 barimo abazamu 3, ba myugariro 7 abakinnyi bakinana hagati mu Kibuga bugarira (defensive midfielder) nabakina bafasha barutahizamu gushaka ibitego (attacking midfielder) bagera ku 10, na barutahizamu 3, bayobowe n’umunye Congo Kinshasa Fiston Mayele.
APR FC ikomeje kwitegura uyu mukino ndetse Chairman wa APR FC, Lt Col Karasira yatangaje ko byose bishoboka anongeraho ko nta gitutu ikipe ifite cyo kujya mu matsinda.
Umukino ubanza hagati ya APR FC na Pyramids FC uzaba kuri iki cyumweru tariki ya 17 Nzeri, ku isaha Yi saa 15h00 za hano mu Rwanda.
