Ikipe ya Manchester United na Manchester City zirikwifuza umukinnyi wa Brighton witwa Kaoru Mitoma ufite imyaka 26, gusa nubwo aya makipe akomeje kumushaka Brighton yo iri mu biganiro nawe kugirango bamuhe amasezerano mashya.
Chelsea irashaka gusinyisha umukinnyi w’ikipe ya New York Red Bull, umunya America w’imyaka 15 witwa Julian Hall. Uyu mukinnyi kandi arikwifuzwa na Real Madrid, Bayern Munich, Manchester United na Manchester City.
Ikipe ya Paris saint-Germain yaraye itsinzwe na Newcastle United ibitego 4-1. Ibi byatumye benshi bongera gusaba Kylian Mbappe ko adakwiye kuba akiri i Paris.
Ikipe ya Bayern Munich irashaka guha amasezerano mashya umukinyi wayo Alphonso Davies. Uyu mukinnyi ukina nka myugariro uca mu mpande ari kwifuzwa n’amakipe arimo Manchester United, Chelsea na Real Madrid.
Ikinyamakuru Bild cyandikira mu Budage cyo Kirandika ko umukinnyi Leroy Sane ashobora gusohoka muri Bayern Munich mu meshyi ya 2024, cyane ko uyu musore w’imyaka 27 arikwifuzwa na FC Barcelona na Real Madrid.
Umukinnyi Lamine Yamal yanditse amateka yo kuba umukinyi ukiri muto ubanje mu Kibuga mu mukino wa Champions League akiri muto ku myaka 16 n’iminsi 83, Akuyeho agahigo Célestine Babayaro ko mu mwaka 1994/1995. Hari mu mukino ikipe ya FC Barcelona yatsinzemo FC Porto igitego kimwe k’ubusa.
