Ikipe ya Manchester United na Tottenham Hotspurs zirimo kwifuza kwegukana umwe mu bagabo bafite ubunararibonye mu Kugura no kugurisha Abakinnyi witwa Andrea Berta usanzwe ari umukozi w’ikipe ya Atletico Madrid, gusa ikipe ya Paris saint-Germain nayo iri kwifuza uyu Mugabo.
Ikipe ya Chelsea yamaze kubwira myugariro w’Umwongereza Trevoh Chalobah w’imyaka 24, ko ubu yatangira akishakira ikipe ya munjyana mu kwezi kwa Mutarama. Inter Milan na Bayern Munich ni amwe mu makipe yagaragaje ko yifuza uyu musore.
Chelsea Kandi irashaka kongerera amasezerano umwongereza ukina hagati mu Kibuga Conor Gallagher w’imyaka 23. Kugeza ubu uyu mukinnyi asigaye amezi 18 ku masezerano ye muri Chelsea.
Liverpool na Newcastle United ni amwe mu makipe yagaragaje ko yifuza gusinyisha umwongereza w’imyaka 26 Jerrod Bowen mu meshyi itaha. Uyu musore ukinira West Ham United ari mu biganiro n’iyi kipe kugirango yongere amasezerano gusa ibiganiro bikomeje kugenda gake.
Manchester City irigutegura kongerera amasezerano Rutahizamu Erling Haaland Amasezerano, uyu munya Norway w’imyaka 23, ari kwifuzwa n’ikipe ya Real Madrid.
Manchester City na Barcelona zizahanganira Umukinyi ukiri muto Xavi Simons w’ikipe ya Paris saint-Germain kuri ubu uru mu ntizanyo mu ikipe ya RB Leipzig.
