Umwongereza Jude Bellingham akomeje Kuba inyenyeri i Madrid, uyu musore kuva yagera muri Real Madrid ntasiba gutsinda. Bellingham yatsinze igitego mu mukino wa mbere wa shampiyona, atsinda igitego mu mukino wa mbere muri champions league none yaraye atsinze igitego mu mukino we wa mbere muri El Clasico.
Umukinyi Eddie Nketiah yaraye atsinze ibitego bitatu (Hat-trick) bwa mbere mu mateka ye akina muri premier League.
Umukinyi Lamine Yamal w’imyaka 16 n’iminsi 107 yaciye akandi gahigo ko kuba umukinyi muto ukinnye El Clasico. Yakuyeho aka Vincente Martinez wari warakinnye Clasico ari muto mu mwaka 1941. Martinez icyo gihe we yari afite imyaka 16 n’iminsi 280.
Ababyeyi b’umukinnyi Luis Diaz w’ikipe ya Liverpool FC ku munsi w’ejo hashize tariki 28 Ukwakira barashimoswe, Police y’iwabo muri Colombia yabashije kugarura Nyina w’uyu musore witwa Cilenis Marulanda, gusa baracyashakisha papa we.
Ikipe ya Manchester City yamaze gushyiraho igiciro cy’umukinnyi wayo Kalvin Phillips, uyu musore waguzwe Miliyoni 42 ava muri Leeds united kuri ubu Man City iramushakamo miliyoni £52m.
