Urukundl ni kimwe mu bintu byiza kandi by’ ingenzi mu mibereho y’ abantu, urukundo bamwe barwita ubusazi kuko hari igihe rutuma umuntu yirenga agatangira gukora ibintu bidasanzwe.
Bimwe mu bintu abakobwa bakora kubera urukundo nyamara bishobora kubicira ahazaza:
- Gukunda umusore cyane kandi gukunda Imana byarakunaniye
Niba udafitanye umubano n’Imana icyiza waba uretse kugirana urukundo n’umusore ngo umwemerere ko uzamubera umugore.Kugirana umubano n’Imana abagabo bamwe babibona nk’ikimenyetso cy’uko witonda kandi witwara neza.
- Kurara ku musore
Bamwe mu bakobwa bizera abasore kugeza ubwo bashaka ikinyoma babeshya ababyeyi kugira ngo bajye kurara ku musore igihe yibana. Ibi ni amakosa kuko bishobora kukwangiriza ahazaza harimo gutwara inda y’indaro ndetse n’ibindi.
- Kurwanya umuryango wawe kubera urukundo
Ni amakosa kwihutira kwiteranya n’umuryango wawe kubera umusore mukundana kuko akenshi uwo musore ntabwo aba akwifuriza ibyiza kurenza ibyo umuryango wawe ukwifuriza.
