Ishyirahamwe rifite umupira w’amaguru munshingano ku mugabane w’Afurika CAF, ryamaze gutangaza ingengabihe y’umwaka w’imikino ny’Afurika ihuza amakipe yabaye aya mbere mu bihugu akomokamo.
CAF yatangaje ko imikino ibanza yo gukuranamo izatangira kuva Ku itariki 18-20 Kanama 2023, iyo kwishyura ikaba kuva hagati ya tariki 25-27 Kanama 2023. Amakipe azarenga ijonjora rya mbere azakina imikino y’ijonjora rya kabiri ibanza kuva tariki 15-17 Nzeri 2023, akine imikino yo kwishyura hagati ya tariki 29 Nzeri n’iya mbere (1) Ukwakira 2023.
Amakipe azarenga imikino y’amajonjora ibiri, azahita abona tike yo gukina amatsinda haba muri CAF champions league na na CAF confederation cup. Imikino ya matsinda izatangira Kuva kw’itariki 24 Ugushyingo 2023, izasozwe Ku itariki 25 Gashyantare umwaka utaha wa 2024. Imikino ya nyuma mu mikino ny’Afurika izaba mu kwezi kwa Gicurasi umwaka utaha wa 2024.
