Ikipe ya APR FC yahagaritse abakozi bayo babiri bari bashinzwe ibikoresho muri iyi kipe bazwi nka Kit Managers kubera amakoza bashinjwa bakoze muri iyi kipe.

Amakuru agera mu itangazamakuru avuga ko ababakozi bahagaritswe ari Nuhu Asman na Runiga , aba bombi ngo bakaba batarajyanye n’ ikipe ubwo yitabiraga imikino ya CECAFA Kagame Cup iheruka kubera mu gihugu cya Tanzania.

Nuhu Asman akaba yari yagizwe umukozi ushinzwe ibikoresho muri iyi muri 2023 ni mu gihe Runiga we yaje ku bw’umutoza Adil. Amakuru avuga ko hari amakosa bakoze mu kazi kabo ndetse hakiyongeraho n’indi myitwarire yo hanze y’ikibuga yatumaga rimwe na rimwe ikipe ititwara neza bakaba bari barihanangirijwe ariko banga kubireka.