Muri Shampiyona y’ikiciro cya mbere mu mupira w’amaguru mu Rwanda hamaze gukinwa imikino y’umunsi wa 5, hari amakipe akomeje kubura itsinzi ugereranyije n’uko abantu bari bayiteze mbere y’uko shampiyona itangira.
Ikipe ya As Kigali n’iyo iza imbere ikumbuye itsinzi kurusha andi makipe yose muri shampiyona y’u Rwanda, iyi kipe y’umujyi wa Kigali ifite itsinzi imwe mu mikino 5 yashampiyina imaze gukina. Itsinzi As Kigali ifite yayibonye ku munsi wa mbere wa shampiyona ubwo batsindaga Bugesera FC, kuva icyo gihe imikino 4 bakurijeho batsinzwemo ibiri banganya 2. As Kigali iri ku mwanya wa 12 kurutonde rw’agateganyo rwa shampiyona n’amanota 5 kuri 15 yashobokaga.
Indi kipe ikumbuye itsinzi n’ikipe ya Mukura Victory Sports, Iyi kipe ibarizwa mu Karere ka Huye imaze gukina imikino 5 muri shampiyona, muriyo mikino yatsinzemo umukino 1, inganya 3 itsindirwa undi umwe.
Mukura Victory Sports kuri ubu iri ku mwanya wa 9 ifite amanota 6 kuri 15 yashobokaga. Iyi kipe kandi iheruka itsinzi ku munsi wa kabiri wa shampiyona, by’umwihariko Mukura imaze imikino 2 itinjiza igitego.
Ikipe ya Police FC n’iyo kipe ya gatatu ikumbuye itsinzi muri shampiyona y’u Rwanda. Police FC imaze gukina imikino 4 muri shampiyona y’uyu mwaka, muri yo mikino yatsinzemo umukino 1 gusa, uwo mukino ni uwo yatsinzemo Sunrise FC ibitego 2-0 ku munsi wa mbere wa shampiyona.
Mu mikino itatu iheruka Police FC ntirabona itsinzi aho yatsinzwe kabiri ikanganya rimwe. Police FC ifite amanota 4 kuri 12 yashobokaga, bishyira ku mwanya wa 13 kurutonde rw’agateganyo rwa shampiyona n’amanota 4.
Andi makipe akumbuye itsinzi twavuga nka Etincelles FC kuri ubu iri kumwanya wa 15 , Gorilla FC iri ku mwanya wa 14, na Muhazi United iri kumwanya wa Nyuma kurutonde rw’agateganyo rwa shampiyona.
