APR FC na Pyramids FC zifitanye umukino uteganyijwe Kuba ku itariki ya 16 z’ukwezi kwa Nzeri mu marushanwa ny’Afurika ya CAF champions league.
Iyi kipe yo mu gihugu cya Misiri ikomeje kwitegura iyi mikino, ku munsi w’ejo hashize iyi kipe yakinnye umukino wa gicuti n’ikipe ya Limmasol ikina mu kiciro cya Gatatu muri Turkey. Muri uyu mukino wa gicuti Pyramids FC yanyagiye ibitego 8-0 ibi byatumye benshi mu banyamupira bavuga ko APR FC ifite umusozi muremure wo kuzamuka.
Pyramids iherereye mu gihugu cya Turkey aho yagiye kwitegurira imikino ya CAF champions league. Iyi kipe yashinzwe mu mwaka wa 2008, ikina muri shampiyona y’ikiciro cya mbere muri shampiyona ya Misiri. umwaka ushize w’imikino yabaye iya 2 ku rutonde rwa shampiyona nyuma ya Al Ahly yatwaye igikombe.
APR FC yasezeye Gaadiika FC yo muri Somalia mu ijonjora rya mbere, mu gihe pyramid yo itarikinnye. Pyramid si ikipe imaze igihe kirekire ikina amarushanwa ny’Afurika gusa inshuro yitabiriye yagiye itanga akazi by’umwihariko muri 2019-2020, yatsindiwe k’umukino wa nyuma wa CAF confederation cup.
