Mu karere ka Muhanga Umurenge wa Muhanga, mu Kagari ka Nyamirama, Mudugudu wa Ntonganiye, umugabo witwa Minani Jean Marie Vianney w’imyaka 40 y’amavuko , yiyahuye akoresheje umugozi arangije atwika inzuye.
Amakuru avuga ko uyu mugabo mbere yuko afata iki cyemezo cyo kwiyahura, yabanje kwica ingurube bari bafite ayikase ijosi akoresheje umupanga, akurikizaho no gutwika inzu babagamo ibyari mu cyumba birashya.
Abaturanyi b’uyu mugabo bavuga ko Minani Jean Marie Vianney n’umugore we witwa Iradukunda Colette bahoranaga amakimbirane.
Meya w’Akarere ka Muhanga Kayitare Jacqueline, avuga ko ibi bikimara kuba, Inzego zibishinzwe zahageze, ubu umurambo ukaba wajyanywe mu Bitaro bya Kabgayi.
Uyu mugabo yari afite abana babiri yabanaga n’umugore batarasezeranye mu buryo bwemewe n’amategeko.