Umwe mu mitwe irenga 120 yitwaje intwaro ifite ibirindiro muri Repubulika Iharanira Demokarasi ya Congo, Maï_MaÏ APCLS weruye uvuga ko uri gufasha igisirikare cy’ igihugu mu ntambara kiri kurwana na M23, uyu mutwe utangaza ko intego yawo ari ukurinda Igihugu cyabo bityo ko utarebera mu gihe cyaba cyugarijwe.
Usanzwe ari Umuvugizi w’ uyu mutwe , Héritier Ndang Ndang usanzwe ari Umuvugizi w’ uyu mutwe , yagize ati“ Intego yacyo kuva cyera ni iyo gukumira umwanzi wese waturuka hanze aje guhangabanya Igihugu cyacu, kandi turabona hari abanzi ndetse n’ anabatera ingabo mu bitugu bo mu Biyaga Bigari bashaka kwambukiranya imipaka ya DRC”
Avuga ko biteguye guhangana n’ umwanzi wese waza mu Gihugu aje gusahura umutungo w’ iki Gihugu aho yaba aturutse hose.
Uyu mutwe wa Maï_Maï APCLS ni umwe mu mitwe yjyambajwe na FARDC mu rugamba imazemo iminsi rwo guhangana n’ umutwe wa M23 ukomeje kotsa igitutu ingabo z’ Igihugu.
Maï_Maï APCLS isanzwe ifite ibirindiro muri Teritwari ya Rutshuru , ivuga ko yiteguye guhashya uyu mutwe wa M23 muri Rutshuru ndetse n’ undi mwanzi wese waturuka hanze.
Umutwe wa M23 wakunze kugenera ubutumwa FARDC ndetse n’ indi mitwe yiyambaje ko badafite ubushobozi bwo kuwuhagarara imbere kuko ntaho bahuriye mu mirwanire.