Abakunzi ba Rayon Sports n’abayobozi bayo bahuriye muri Gala Night mu ijoro ryo kuri uyu wa gatanu tariki 25 Kanama bakaba bari ku Kimihurura, bishimira ibikombe 3 batwaye umwaka ushize.
Ikipe ya Rayon sports yegukanye igikombe cy’amahoro n’igikombe kiruta ibindi mu bagabo Super cup hose itsinze Umukeba wayo APR FC, naho Equipe y’abagore yatwaye shampiyona mu cyiciro cya 2.
Iyi kipe y’igikundiro izahagararira u Rwanda mu mikino ny’Afurika ya CAF confederation cup. Mu rwego rwo kwitegura aba bakunzi bayo bakusanyije agera ku Miliyoni 32Rwf.
Abarimo Prosper, Martin, Saidi Buri umwe yatanze 2M, Kigali Boss Babes nabo batanga 2M, Munyakazi Sadate yatanze Frw 10M, Furaha 1M n’abandi bitanze uko bifite.
Rayon Sports ivuga ko ikeneye Frw 68M mu kurushaho kwitegura neza, abura agera kuri 36M, Prosper MUHIRWA, Saidi na Martin RUTAGANGWA bakazafasha Komite kuyashaka mu bandi bakunzi b’ikipe.
Rayon Sports ikomeje gukina shampiyona Kuri iki cyumweru irakina na Gorilla FC, mu mukino wa kabiri wa shampiyona.