Ikipe ya Al Hilal Benghazi yo mu gihugu cya Libya izakina na Rayon Sports mu mikino ny’Afurika ya CAF confederation cup uyu munsi yandikiye CAF yongera kuyigezaho ubusabe.
Iyi kipe mu ibaruwa yandikiye ishyirahamwe rifite umupira w’amaguru mu nshingano muri Afurika (CAF) yasabye ko umukino ubanza uzaba tariki 24 Nzeri 2023 kuri sitade ya Kigali Pele, bazawukina nta mufana uhari.
Iyi kipe irabizi neza ko Rayon Sports ifite abafana benshi mu rwego rwo kugabanya igitutu cyabo, yasabye CAF ko byibuze ku mukino izakira batazinjira ku Kibuga. Haracyategerejwe icyo CAF iza gusubiza kuri iki kifuzo yagejejweho.
Nta gihindutse Al Hilal Benghazi izagera mu Rwanda kuri uyu wa Kane tariki ya 21 Nzeri. Umukino wo kwishyura hagati ya makipe yombi uzaba kw’itariki 30 Nzeri nawo uzabera kuri Kigali Pele stadium.
