Umuhanzi w’indirimbo zo kuramya no guhimbaza Imana Gad Rwizihirwa, wamamaye mu ndirimbo “Genda ” na “Humura”, yavuze impamvu amaze igihe adashyira ahabona indirimbo nshya, anabwira abakunzi be ko hari byinshi bishya ari gutegurira abakunzi be.
Yasobanuye impamvu amaze igihe adasohora indirimbo nshya
Gad yemeza ko ni ubwo asa n’uwatuje mu muziki, atari uko yawuretse. Avuga ko hari inshingano zitandukanye zari zaramuhugije, ariko bidasobanuye ko yaretse gukora umuziki.
“Nibyo koko hashize igihe kirekire ntagaragara mu ndirimbo nshya. Byatewe no guhugira mu zindi nshingano zitandukanye, ariko umuziki wo sinawutererana. Ahubwo ndimo ndabategurira ibintu byiza.”
Yasezeranyije abakunzi be ibihangano bishya n’ubutumwa bukomeza imitima
Gad avuga ko ari gutegura indirimbo nyinshi ziri ku rwego rwo hejuru, zifite ubutumwa bwubaka, kandi buri wese azazisangamo.
“Ndimo gutegura kubagezaho ibihangano byinshi kandi biteguye mu buryo butandukanye, buri wese akazisangamo. Ubutumwa bwiza ni yo ntero ikaba n’intego.”
Indirimbo nshya zizatangira gusohoka mu ntangiriro za 2026
Mu rwego rwo kutazongera gutinza abafana, Gad avuga ko umwaka wa 2026 uzatangirana n’indirimbo nshya nyinshi, zikoze neza kandi zifite ubutumwa bwiza.
“Ndimo gutegura indirimbo nyinshi kugira ngo tutazongera gutinda ,ndatangira gushyira hanze ibihangano bishya mu mwaka wa 2026.
Ibyo yungukiye mu rugendo rw’umuziki wo kuramya no guhimbaza Imana
Avuga ko ikintu gituma akomeza gukorana umwete ari ubutumwa bwiza yakira buri munsi buvuye mu bantu bumva indirimbo ze, bubabwira ko hari icyahindutse mu buzima bwabo kubera ibyo indirimbo aririmba zibakora ku mutima.
“Hari ababwira ko babonye ibyiringiro cyangwa bagafata imyanzuro mishya mu buzima bitewe n’ubutumwa bumva mu ndirimbo. Iyo mbibonye mba numva ari inyungu ikomeye kurusha izindi zose.”
Ni ubwo Gad Rwizihirwa yari amaze igihe adatangaza indirimbo nshya, yemeza ko umuziki utigeze uhagarara.Yijeje abakunzi be ibihangano bishya ,mu ntangiriro z’umwaka wa 2026.Kugeza ubu avuga ko ubu nta Management ihamye aragira, ariko ashima Imana ikomeje kumushoboza. imbugankoranyambaga ze zose akoresha Gad Rwizihirwa, uretse ku ishene ye ya YouTube akoresha Gad RM.
ZIMWE MU INDIRIMBO ZA GAD RWIZIHIRWA WA KUMVA
IYI NI IYO YISE GENDA
IYI NI HUMURA
