Umunyezamu w’ Ikipe ya Rayon Sports, ukomoka mu Gihugu cya Senegal Khadime N’ diaye, yasabye imbabazi abakunzi b’ iyi kipe nyuma yo gukora ikosa rikomeye ryatumye ahabwa ikarita y’ umutuku.
Burya Haruna Niyonzima yikundira ikipe ya Rayon Sports!
Ibi uyu munyezamu w’ iyi kipe yabigarutseho mu kiganiro yagiranye n’ igitangazamakuru cya Rayon Sports kuri uyu wa Kane tariki ya 30 Mutarama 2025.
Aho yasabye imbabazi abakunzi b’ iyi kipe avuga ko ikosa yakoze yari aziko ari bushyigikirwe aza gutungurwa bamuhaye ikarita y’ umutuku.
Ubwo yari muri icyo kiganiro yagize ati” “ Ndasaba imbabazi abakunzi, abayobozi ba Rayon Sports n’ikipe ya njye muri rusange. Nakoze ikosa ku mukino wa Police FC nzi ko banshyigikira cyane. Nanjye ngomba gukora ibyiza kurushaho.”
Uyu munyezamu asabye imbabazi nyuma y’ uko ku mbuga nkoranyambaga abantu benshi barimo ku mbwibasira cyane kubera ikosa yakoze ku mukino ikipe ya Rayon Sports yasezerewemo na Police FC mu Gikombe cy’ Intwari.
Uyu mukino wabaye ku wa Kabiri tariki ya 28 Mutarama 2025, uza kurangira mu minota 90 ikipe zombi zinganya igitego 1_1 bajya muri Penalite biza kurangira ikipe ya Rayon Sports itsinzwe Penalite 3_1.
