Umugore wo mu Kagari ka Katabaro mu Murenge wa Kimisagara mu Karere ka Nyarugenge,ho mu Mujyi wa Kigali arakekwaho kwica umugabo we amuteye icyuma mu mutima.
Amakuru y’uru rupfu rw’uyu mugabo, yamenyekanye mu gitondo cyo ku wa Kane tariki 1 Gashyantare 2024.
Abaturage babwiye BTN tv dukesha iyi nkuru ko uyu mugabo n’umugore we bari basanzwe bakora akazi ko gucuruza inyama mu ibagiro rya Nyabugogo ndetse bapfuye amafaranga ibihumbi 20.
Umukuru w’Umudugudu w’Umurinzi mu Kagari ka Katabaro, Hategekimana Adophe, yavuze ko umugore wa nyakwigendera yamaze gutabwa muri yombi.
Amakuru akaba avuga ko yamuteye icyuma agahita ashiramo umwuka.
Jean Damascene Iradukunda/ kglnews.com
