Ku Cyumweru, indege y’ubucuruzi yo muri Tanzaniya yakozwe na Precision Air yaguye mu kiyaga cya Victoria bitewe n’ikirere kibi, ihitana abantu 19.
Minisitiri w’intebe w’iki gihugu, Kassim Majaliwa, yavuze ko abayobozi bemeza ko imirambo yose yakuwe mu ndege.
Majaliwa ati: “Twatangiye gukuramo imizigo n’ibintu byari mu ndege. Itsinda ry’abaganga n’inzego z’umutekano batangiye inzira yo kumenya abapfuye no kumenyesha imiryango.“
Iyi kompanyi y’indege yemeje umubare w’abapfuye kandi itangaza ko abarokotse ari 24 mu itangazo ryasohowe ku mugoroba wo ku Cyumweru. Mbere, byari byabajwe gutangazwa ko 26 muri 43 bari mu ndege aribo barokowe.
Isosiyete y’indege yagize iti: “Precious Air irashimira cyane imiryango n’incuti z’abagenzi n’abakozi bagize uruhare muri iyi mpanuka ibabaje. Isosiyete izaharanira kubaha amakuru ndetse n’ubufasha ubwo ari bwo bwose bazakenera mu bihe bigoye.“
Bongeyeho bati: “Amazina y’abagenzi n’abakozi bari mu ndege ntazatanganzwa kugeza igihe abo mu muryango wabo bose babimenyeshejwe.“
Iyi ndege yari irimo abagenzi 39 hamwe n’abakozi bane, yari yahagurutse mu murwa mukuru w’ubucuruzi wa Tanzaniya witwa Dar es Salaam yerekeza mu mujyi wa Bukoba mbere yuko igwa muri Victoria.
Abayobozi b’inzego z’ibanze bavuze ko ikirere kibi gishobora kuba cyaragize uruhare muri iyi mpanuka, bavuga ko icyo gihe hari imvura nyinshi n’umuyaga mwinshi.
Isosiyete y’indege ya Precise Air yashyizeho ikigo gishinzwe gukemura ibibazo no gutanga amakuru muri Bukoba na Dar es Salaam kugira ngo ivugane n’imiryango y’abagenzi.
