Amakuru aturuka ku mirongo y’urugamba mu ntara ya Kivu y’Amajyepfo aravuga ko Ingabo za AFC/M23 zamaze gusa n’izicamo kabiri imijyi ya Mwenga na Kamituga, nyuma yo kwigarurira agace kari hagati yayo.Amakuru aturuka  Kivu y’Amajyepfo aremeza ko kuri uyu wa Gatanu zimwe mu ngabo za AFC/M23 zageze mu gace ka Kashaka, agace kari rwagati ya Mwenga na Kamituga.Abazi neza aga gace bagasobanura nk’agace kitegeye cyane Mwenga-Centre, ku buryo ukarimo bitakugora kujya muri uriya mujyi cyangwa mu yindi mijyi mito ya Kamituga na Fizi.

Ngo kuri ubu  AFC/M23 kwinjira muri Mwenga, biyisaba gusa kwambuka umugezi wa Gashaka, agace gasanzwe ari amasangano yerekeza mu duce dutandukanye; dore ko karimo inzira y’amatungo yerekeza i Kitutu n’indi ijya Kamituga.

Amasoko yacu kandi asobanura ko aho Ingabo za AFC/M23 zageze kuri uyu wa Gatanu na Mwenga hacamo agace ka Kabogoza n’umugezi ukagabanya na Mwenga-Centre witwa Elira.Urenze uyu mugezi kandi ni bwo ushobora kugwa mu nzira igana Kamituga na Kitutu.

Muri make aho AFC/M23 yafashe ni ahantu h’ingenzi cyane, dore ko kariya gace kanaherereyemo umusozi witwa Kigogo uwuri hejuru ashobora kurasa mu mujyi wa Mwenga mu gihe waba ukoresheje imbunda z’imisada.

Usibye kuba Ingabo za M23 zigenzura agace ka Kashaka, andi makuru avuga ko ikindi gice cy’izi ngabo cyamaze kugera muri Centre ya Karambi iri mu bilometero bitanu uturutse mu majyaruguru ya Mwenga.AFC/M23 ikomeje kugera amajanja uriya mujyi, mu gihe urimo Ingabo ziganjemo iz’Abarundi ndetse n’ibifaru byazo.

Kuba Kashaka yafashwe ziriya ngabo zahise zijya mu ihurizo, kuko kuba zava Mwenga zihungira Kamituga ari ikibazo gikomeye cyane.Kuba inyeshyamba za AFC/M23 ziri muri kariya gace kandi biziha ububasha bwo kuba zakwinjira mu duce twa kamituga, Kakorokero, Fizi, Kilembwe, Lulimbi, Byongo na Kitutu nta komyi.