Ku mbuga nkoranyambaga hakomeje gucicikana amashusho agaragaza umusore wagaragaye yambaye kasike (ingofero ya moto) ya Polisi yo mu muhanda. Mu mashusho, uwo musore yari ahagaze ahantu hatagaragazwa neza, yambaye iyo kasike isa n’iyambarwa n’abapolisi bakorera mu muhanda.

Nyuma y’akanya gato,umupolisi yagaragaye aza aho uwo musore yari ari, maze amwaka iyo kasike. Uwo musore yahise ayiha uwo mupolisi mu bwitonzi, bitarangira habayeho gukomerana cyangwa gufatwa.Ababonye iyo video bagaragaje ibitekerezo bitandukanye. Bamwe banenze uwo musore bavuga ko kwambara ibirango cyangwa imyenda yihariye y’inzego z’umutekano bidakwiye kandi bishobora no kugira ingaruka zikomeye mu rwego rw’amategeko.

Ariko kandi, benshi bashimye uburyo uwo mupolisi yitwaye mu bwitonzi no mu kinyabupfura, kuko yashoboraga kumufata cyangwa kumukorera ibirenzeho, nyamara agahitamo kumwiyambaza mu mahoro no kumwaka iyo kasike nta rundi rwumvikano.Iyi video yongeye kwibutsa abantu ko kwambara imyenda cyangwa ibikoresho by’inzego z’umutekano nta burenganzira bifite ari icyaha, kandi ko buri wese akwiriye kubahiriza amategeko mu rwego rwo kubungabunga umutekano n’icyizere rusange.